Тошкент аэропортининг учиб келиш залида мобил қурилмаларнинг ИМEИ кодларини расмий рўйхатдан ўтказиш шохобчаси иш бошлади.

Майдони 8 кв.м бўлган хизмат кўрсатиш шохобчаси э-аукцион.уз электрон платформаси орқали ўйналди. Ўзбекистон телекоммуникация тармоқларини бошқариш Республика маркази ким ошди савдоси ғолиби деб топилди. Мазкур шохобчада учиб келган барча йўловчилар бир неча дақиқа ичида импорт қилинган (янги ёки Ўзбекистондан ташқарида фойдаланилган) мобил қурилмаларнинг ИМEИ кодларини рўйхатдан ўтказишлари мумкин. ИМEИ кодини рўйхатдан ўтказиш нархи резидентлар учун 30 календарь кун ичида, норезидентлар учун эса 60 календарь кун ичида 68 000 сўмни (БХМнинг 20%) ташкил этади.

Ўзбекистон Республикаси қонунчилигига мувофиқ, мобил қурилма ИМEИ кодини рўйхатдан ўтказиш маҳаллий уяли алоқа операторларининг СИМ-карталари уланган кундан бошлаб 30 календарь кун (норезидентлар учун 60 календарь кун) ичида амалга оширилиши керак. Акс ҳолда, қурилманинг ИМEИ кодини рўйхатдан ўтказилгунига қадар абонентга маҳаллий ГСМ уяли алоқа операторлари хизматларидан фойдаланиш тақиқланади.